இஸ்ரேல் மீதான ஹமாஸின் திடீர் தாக்குதலைத் திட்டமிட ஈரானிய பாதுகாப்பு அதிகாரிகள் உதவியதுடன், லெபனான் தலைநகர் பெய்ரூட்டில் நடந்த கூட்டத்தில், ஹமாஸ் மற்றும் லெபனானின் ஹெஸ்பொல்லாவின் மூத்த உறுப்பினர்களை மேற்கோள் காட்டி, வால் ஸ்ட்ரீட் ஜேர்னல் செய்தி வெளியிட்டுள்ளது.
ஞாயிற்றுக்கிழமை வால் ஸ்ட்ரீட் ஜெர்னல் மேற்கோள் காட்டிய ஹமாஸ் மற்றும் ஹிஸ்புல்லாவின் மூத்த உறுப்பினர்களின் கூற்றுப்படி, ஈரானின் இஸ்லாமிய புரட்சிகர காவலர் படை (IRGC) இஸ்ரேல் மீதான ஹமாஸின் சனிக்கிழமை திடீர் தாக்குதலை திட்டமிட்டு அங்கீகரிப்பதில் குறிப்பிடத்தக்க பங்கைக் கொண்டிருந்தது என கூறப்பட்டுள்ளது.
ஆகஸ்டு மாதம் முதல் IRGC யின் அதிகாரிகள் ஹமாஸுடன் இணைந்து வான்,நிலம் மற்றும் கடல் ஊடுருவல்களை உள்ளடக்கிய ஒரு சிக்கலான நடவடிக்கையை உருவாக்கியுள்ளதாக அறிக்கையிடப்ப்ட்டுள்ளது.
பெய்ரூட்டில் நடந்த பல சந்திப்புகளின் போது,
IRGC அதிகாரிகள் காசாவை ஆளும் ஹமாஸ் மற்றும் லெபனானில் உள்ள ஒரு ஷியா போராளிக் குழு மற்றும் அரசியல் பிரிவான ஹெஸ்பொல்லா உட்பட ஈரான் ஆதரவு பெற்ற நான்கு போராளிக் குழுக்களின் பிரதிநிதிகளுடன் ஈடுபட்டிருந்தபோது இந்த நடவடிக்கையின் விவரங்கள் நன்றாகச் சரி செய்யப்பட்டதாகக் கூறப்படுகிறது.
ஞாயிற்றுக்கிழமை அமெரிக்க வெளியுறவுத்துறை செயலாளர் ஆண்டனி பிளிங்கன், இந்த குறிப்பிட்ட தாக்குதலை ஈரான் இயக்கியதாகவோ அல்லது பின்னால் இருந்ததாகவோ உறுதியான ஆதாரங்கள் எதுவும் இல்லை என்று கூறியபோதும், ஈரானுக்கும் இந்த போராளிக் குழுக்களுக்கும் இடையிலான நீண்டகால உறவு உள்ளதாக குறிப்பிட்டிருந்தார்.
No comments:
Post a Comment