பணத்தை மீதபடுத்த மூன்று தேர்தல்களையும் ஒன்றாக நடத்த வேண்டும் ; நவீன் திஸாநாயக்க

பாராளுமன்றம், ஜனாதிபதி மற்றும் உள்ளூராட்சி சபைத் தேர்தல்கள் ஒரே நாளில் நடத்தப்பட வேண்டும் என முன்னாள் அமைச்சர் நவீன் திஸாநாயக்க தெரிவித்துள்ளார்.

பணத்தை மீதபடுத்த மூன்று தேர்தல்களையும் ஒன்றாக நடத்த வேண்டும் எனவும் அவர் தெரிவித்துள்ளார்.

​​உள்ளூராட்சி சீர்திருத்தங்கள் விரைவில் அமுல்படுத்தப்படும் என்றும் அவர் வலியுறுத்தியுள்ளார்.

தற்போது 8,000 உள்ளூராட்சி மன்ற உறுப்பினர்களை நாடு கவனித்துக் கொள்ள முடியாது என்றும், இந்த சீர்திருத்தங்கள் விரைவில் அறிமுகப்படுத்தப்படும் என்றும் அவர் குறிப்பிட்டுள்ளார்.

“அரசியல் மற்றும் பொருளாதார சீர்திருத்தங்களை ஒன்றிணைந்து மேற்கொள்வதே ஜனாதிபதி ரணில் விக்கிரமசிங்கவின் கொள்கையாகும்” என அவர் மேலும் தெரிவித்தார்.

மேலும் ஐக்கிய மக்கள் சக்தியின் சில உறுப்பினர்கள் IMF உதவியை நாசப்படுத்த முயன்றதாகவும் அவர் குறிப்பிட்டுள்ளார்.

“உள்ளூராட்சி தேர்தல் முடிவுகளை இதற்கு பயன்படுத்த அவர்கள் விரும்பினர் மற்றும் தற்போதைய அரசாங்கத்திற்கு ஆணை இல்லை என்பதை உலகுக்கு காட்ட வேண்டும்,” என அவர் மேலும் தெரிவித்துள்ளார்.