வரலாற்றில் பெருந்தொகையான தங்கம் சிக்கியது.. #இலங்கை

வரலாற்றில் மிகப் பெரிய தங்க மோசடி சுங்கத் திணைக்களத்தால் அம்பலமாகியுள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.

கண்டுபிடிக்கப்பட்ட தங்கத்தின் பெறுமதி 400 மில்லியன் ரூபா என அவர் கூறுகிறார்.

இந்தியாவின் “வருவாய் புலனாய்வு பிரிவு” வழங்கிய உளவுத்துறையின் பகுப்பாய்வின் அடிப்படையில், சுங்க போதைப்பொருள் கட்டுப்பாட்டுப் பிரிவினரால் சுங்க வளாகத்தில் சோதனை செய்யப்பட்டது.

இந்நிலையில், சம்பவத்தில் கைதான நான்கு பயணிகளில் மூவர் இன்று (09) காலை டுபாயில் இருந்து சென்னை வழியாக இலங்கை வந்துள்ளனர்.

அவர்களைச் சோதனையிட்டபோது, ​​அவர்களது பைகளில் மறைத்து வைக்கப்பட்டிருந்த தங்க நகைகள் மற்றும் ஏராளமான திரவத் தங்கப் பொடிகள் கண்டுபிடிக்கப்பட்டன.

தங்க ஆபரணங்கள் அடையாளம் தெரியாதபடி வண்ணம் பூசப்பட்டிருந்தன, மேலும் எளிதில் மறைப்பதற்கு தங்கப் பொடிகள் பூசப்பட்டிருந்தன. மேலும், தங்கம் பூசப்பட்ட 30 ஆடைகள் கண்டுபிடிக்கப்பட்டன.

மீட்கப்பட்ட தங்கத்தின் மொத்த எடை ஏறக்குறைய 22 கிலோ மற்றும் பெறுமதி கிட்டத்தட்ட 400 மில்லியன் ரூபாவாகும்.